منتدى الاحباب والاصدقاء اطيب ناس
 
الرئيسيةالبوابةبحـثالتسجيلدخول

شاطر | 
 

  لــــــغــــز ؟! // بقلمي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
jawharat_lislam
مدير
مدير
avatar

عدد المساهمات : 1297
السٌّمعَة : 4
تاريخ التسجيل : 04/03/2013

مُساهمةموضوع: لــــــغــــز ؟! // بقلمي   الأربعاء يونيو 05, 2013 5:28 am

مدخل // بقلمي



حبيت .. هذي غلطتي
حبيت ... ولقيت التعب


تبقى خلاصة قصتي
((ما كل ما يلمع ذهب)) !!












لــــــــــغــــز // بقلمي




بقول لك لغز لو تقدر على حلّه
ابشر بما تطلبه لو مطلبك عيني




شيّ(ن) وصلني وانا مقدرت اوصل له
يشتاق له كل ما فيني .. وهو فيني




تمل .. وتحن له ... وتحن ...وتملّه
يسوى حياتي ..واساساً ما يساويني




فيه الدواء صح .. لكن منّه العلّه
يا ما جرحني ولا فكر يداويني




غالي.. وربي يعافي الناس من غلّه
ومن بقايا غلاه الله يعافيني




اسأل عليه البشر والاهل والشلّه
وبيني وبينه مثل ما بيني وبيني !!




من طيبتي كان يحسب طيبتي ذلّه
وكلما شاف لي بسمه يبــكّــيني




جفت سنيني وزادت طينتي بلّه
لا قال وينه ولاهو قال لي ويني !!




غلطة حياتي معه تسوى الغلط كله
واستاهل اللي جرى من غلطتي فيني




مادام صار الوفاء في شرعهم زله
هات الألم والمواجع لي .. وخليني




هذا هو اللغز ... وانته في يدك حلّه ؟
مادمت ضيعتني بيديك ... لاقيني




يا قلب مهما انجرحت من الزمن خلّه
ودق نبضك وغني في شراييني




لو خاين الود جا لك يعتذر قلّه:
جربت حبك وما فيني يكفّيني




في كل شي نتفق بالدّين والملّه
إلا على الحب ((لك دينك ولي ديني))








مخرج // بقلمي





ما هو العشم تبقى الاحاسيس قرطاس
وتصير مثل الريش فينا العواطف

لاتنتظر طيحتي وتشمّت الناس
ترى الشجر يبقى ولو مات واقف !



ت
حياتي للجميع
الرجوع الى أعلى الصفحة اذهب الى الأسفل
زياد السنباني



عدد المساهمات : 1
السٌّمعَة : 0
تاريخ التسجيل : 09/08/2013

مُساهمةموضوع: رد: لــــــغــــز ؟! // بقلمي   الجمعة أغسطس 09, 2013 12:37 pm

هذه القصيده لي يا سعاده المديره ومن العيب ان يتم تذييل ابياتها تحت عنوان (بقلمي) دون ان تنسبيها لصاحبها

تحياتي
الرجوع الى أعلى الصفحة اذهب الى الأسفل
 
لــــــغــــز ؟! // بقلمي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.atyab-nass.com :: قسم اداب و شعر :: فضائات شعرية-
انتقل الى: